కౌగిలి ముద్దలు

విరహ వేదనలో నా ఆకలి నీకు దయను కలిగిస్తే
మల్లిపూవుల పక్క ఒకటి అరటియాకుగా నువ్వువేసి
తీపిముద్దులను నంజుకోసం
వేడి కోరికల అన్నం పెట్టి
తపన కౌగిళ్ళను ముద్దలుగా
వలపు పరువంతో తినిపించి - గెలుపు గుర్రాన్ని తలపించి
ఆకలంతటిని పంపేసి - నా యద వాకిటను నిదిరించే

నన్ను నిమిరిన నీ చేయి - ప్రేమను మించిన పైచేయి.

సొగసిరి-గడసరి

వల్లమాలిన సిగ్గులొలికే మేలిమే నన్ను చేరిన సొగసిరి
నన్నుచేరి వలపు పిలుపుల ఆటలాడె గడసరి
మత్తుచూపుల తేనె జల్లుకు నా మనసు పని ఇక సరిసరి
కైపు ఊపుల సయ్యాట వేడిలో నిదుర రాదా ఈ రాతిరి?

మరవగలనే ప్రియా

పచ్చి పచ్చిగ పరవళ్ళాగని పడవేసే మాటలు
గుచ్చిగుచ్చి చూడగ గుబులెక్కించే చూపులు
వచ్చివచ్చి చేరగా మత్తెక్కించే చేతలు
నచ్చినచ్చి గెలిచిన మైమరపించే స్పర్శలు

మరవగలనే ప్రియా నే మరవగలనే

ప్రియా! మరచి పోవద్దు

ప్రియా!

ఆనాటి

వెన్నెల పొద్దు
కౌగిలి హద్దు
తియ్యటి ముద్దు
మరచి పోవద్దు.