ఈ అక్షరాలు...

ప్రియా!

నీ జ్ఞాపకంలో నేను రాసిన ఈ అక్షరాలు -
పొందికగా అమరిన కవితలు,
వెన్నెల జలపాతంలో పన్నీటి కెరటాలు,
మరపురాని సంధ్యలో ఆహ్లాదమైన కిరణాలు,
నునువెచ్చటి వేకువలో మనసైన నేస్తాలు,
భారాన్ని తగ్గించి భావాన్ని తీసుకొచ్చే విలువైన రాయభారులు,
భావం సరిగా పలకకపోతే చిన్నబుచ్చుకునే చిన్నారులు,
సిగ్గుపడే నిన్ను నా చెంతకు అనునయంగా చేర్చే పరిచారికలు,
నవ్వుల వెన్నెల బొమ్మగా నిను చూపే చలనచిత్రాలు,
స్వయంవరంలో వీరుని గెలుపుకై ఆరాటపడే రాకుమార్తెలు,
ఎవరూ కానరాని చోట భువికేతించి నాట్యమాడె అప్సరసలు,
ఆఖరిగా ...
నా ఊహాలోకంలో
నిన్ను నాచెంతకు చేర్చి
మహగొప్ప ఆశీస్సులనిచ్చే ఆత్మబంధువులు.